Rus  Arm  Eng

Օգտակար տեղեկություններ

Հաճախ տրվող հարցեր
1. Ի՞նչ տարբերություն կա օրիգինալ և փոխարինող ծախսող նյութերի միջև
2. Կարո՞ղ է արդյոք ոչ օրիգինալ քարթրիջների օգտագործումը փչացնել տպիչը
3. ԹԱՓ (թանաքի անընդհատ փոխանցման ) համակարգի դրական և բացասական կողմերը
4. Ի՞նչ է ՙքարթրիջի լիցքավորումը՚
5. Ի՞նչ է ՙքարթրիջի վերականգնումը՚
6. Ինչի՞ կարող է հանգոցնել քարթրիջի լիցքավորումը
7. Ինչպե՞ս կողմնորոշվել` ինչ անել, վերականգնել, թե լիցքավորել
8. Ինչպիսի՞ թանաքներ ընտրել
9. Ինչի՞ հետ է կապված լազերային տպիչների թմբուկի փչացման արագությունը

Քարթրիջի կառուցվածքը

Օգտակար խորհուրդներ տպիչների և քարթրիջների խնամքի և պահպանության վերաբերյալ

Տպիչների պատմությունը

Համատեղելիության աղյուսակ



Հաճախ տրվող հարցեր

1. Ի՞նչ տարբերություն կա օրիգինալ և փոխարինող ծախսող նյութերի միջև
Օրիգինալ ծախսող նյութեր Թողարկվում են անմիջականորեն տեխնիկայի արտադրողի կողմից նույն մակնիշի տակ, ինչ որ տեխնիկան (օրինակ` HP, Canon, Epson, Lexmark և այլն): Օրիգինալ ծախսող նյութերի գինը բարձր է այն արտադրողի անվանիության հաշվին և այն պատճառով, որ արտադրողն իր շահույթի մեծ մասը ներդնում է ծախսող նյութերի մեջ:
Համատեղելի ծախսող նյութեր Սա մատակարարի արտադրանքի հիման վրա թողարկված նույնական ծախսող նյութեր են, արտադրված մեկ այլ` ոչ տպիչն արտադրող կազմակերպության կողմից: Համատեղելի քարթրիջների օգտագործումը շահավետ է առաջին հերթին վերջնական սպառողին: Օգտագործելով համատեղելի արտադրանք` նա խնայում է իր միջոցները, որոնցով ժամանակի ընթացքում կարղ է գնել մեկ այլ տպիչ:
Ինչպես օրիգինալ, այնպես էլ համատեղելի քարթրիջները օգտագործելուց հետո կարելի է լիցքավորել: Քարթրիջների մեծ մասի համար օգտագործվում են ջրային հիմքով թանաքներ: Սակայն մի շարք HP, Canon, Epson քարթրիջներ լիցքավորված են պիգմենտային թանաքներով: Թանաքների տարբեր բաղադրությունները ապահովում են տպման որակի տարբերություններ, որոշում թղթի կրիչի տեսքը տպման ժամանակ: Խորհուրդ է տրվում յուրաքանչյուր քարթրիջի համար օգտագործել իր տեսակի թանաք: Դա ապահովում է լավագույն գունահաղորդում և տպագրության բարձր որակ: ոյություն ունեն նաև ունիվերսալ թանաքներ , որոնք համընկնում են լայն ցանկի քարթրիջների լիցքավորման համար (բայց ոչ անխտիր բոլորի):


2. Կարո՞ղ է արդյոք ոչ օրիգինալ քարթրիջների օգտագործումը փչացնել տպիչը Անկասկած, ցածրորակ ծախսող նյութերի օգտագործումը կարող է հանգեցնել տպիչի խցանման (քարթրիջի հերմետիկության խախտման հետևանքով տոները թափվում է): Դա կարող է հանգեցնել տպիչի մեխանիզմների վաղօրոք խաթարման և տպման որակի էական վատթարացման: Այդ պատճառով մի շտապեք զարմանալիորեն էժան քարթրիջների ձեռքբերման հարցում և մանրամասն պարզաբանեք նման քարթրիջների մատակարարների երաշխիքային պարտավորությունները:


3. ԹԱՓ (թանաքի անընդհատ փոխանցման համակարգ) համակարգի դրական և բացասական կողմերը
ԹԱՓ (թանաքի անընդհատ փոխանցման) համակարգը- բաղկացած է բազմաալիքային շլեյֆով միացված տարողունակ թանաքներով քարթրիջներից: Տպման ժամանակ տեղի է ունենում թանաքի ավտոմատ անխափան փոխանցում դեպի քարթրիջ: ԹԱՓՀ տարողությունները լինում են տարբեր ծավալի` սկսած 50մլ. վերջացրած 500մլ-անոց տարողությամբ, որը մի քանի անգամ գերազանցում է սովորական քարթրիջների տարողությունը:
ԹԱՓ համակարգը կարելի է օգտագործել ինչպես գրասենյակում, ինչը թույլ կտա էապես տնտեսել փաստաթղթերի տպման ժամանակ, այնպես էլ տանը ԹԱՓ համակարգը հրաշալի համընկնում է նկարների տպման համար: Այս ամենը ձեռք է բերվում նրա հաշվին, որ տվյալ համակարգերում օգտագրոծվում է այլընտրանքային արտադրողների արտադրանքը, որոնց գինը էապես ցածր է և որակով չի զիջում օրիգինալ քարթրիջներին:
Թանաքի անընդհատ փոխանցման համակարգի առավելությունները
գ Տպման որակի բարձր կայունությունը - ապահովվում է տպիչի գլխիկում ճնշման անընդհատության շնորհիվ, ինչը կախված չէ տարողունակ դոնորներում թանաքի նվազման մակարդակից,
գ տպիչի արտադրողականության բարձրացում – կարիք չկա ժամանակ ծախսել քարթրիջների փոխարինման, տպող գլխիկի մաքրման վրա,
գ տպման արժեքի կրճատում 2-50 անգամ (կախված տպիչի տեսակից): Սակայն հարկ է հաշվի առնել, որ որակյալ տպման ժամանակ ֆոտոթղթի արժեքը կազմում է տպագրության արժեքի էական մասը,
գ Տպման ժամանակ անվտանգության բարձրացում – քարթրիջների փոխարինման ժամանակ օդի ներթափանցման հետևանքով տպիչի գլխիկի` շահագործումից դուրս գալու ռիսկի բացակայություն
գ տպող գլխիկի ռեսուրսի մեծացում,
գ մեծ ծավալի տպագրություն առանց թանաքի վերջացման պատճառով տպման ընդհատման ռիսկի,
գ տարբեր գույնի և բաղադրության թանաքների պահուստի համալրում դրանց իրական ծախսով, այն ժամանակ երբ ստանդարտ եռագույն քարթրիջի փոխարինման անհրաժեշտություն է առաջանում միայն մեկ գույնը վերջանալու դեպքում:
Թերությունները
Տպիչի տեղափոխման ժամանակ հարկավոր է առավել ուշադիր լինել: Հակառակ դեպքում բարձրության մեջ տարողությունների տեղափոխումը կարող է հանգեցնել ճնշման տարբերությունների պատճառով ամբողջ տպիչի` թանաքով լցման:


4. Ի՞նչ է ՙքարթրիջի լիցքավորումը՚
Քարթրիջի լիցքավորման գործընթացն իր մեջ ներառում է`
գ քարթրիջի նախնական թեստավորում,
գ քարթրիջի ամբողջական մշակում և մաքրում տոների մնացորդներից,
գ քարթրիջի լիցքավորում բարձրորակ տոներով,
գ քարթրիջի հավաքում,
գ որակի ելքային վերահսկում և լիցքավորված քարթրիջի թեստավորում:
Քորթրիջի լիցքավորումը մի գործընթաց է, որը չեն սիրում օրիգինալ ծախսող նյութերի մատակարարները: Ինչու՞: Նրանք դրանից գումար են կորցնում, իսկ սպառողը` խնայում, այն էլ էապես! Մի խոսքով, քարթրիջի լիցքավորման ժամանակ կմախքը նույնն է մնում, փոխվում է միայն տոները, իսկ մնացած դետալներն անցնում են պրոֆիլակտիկ մաքրում. ահա որտեղից է խնայողությունը: Որպես կանոն, լազերային քարթրիջը դիմանում է 2-3 լիցքավորում, դրանից հետո հարկավոր է վերականգնել:


5. Ի՞նչ է ՙքարթրիջի վերականգնումը՚ Քարթրիջի վերականգնումը տարբերվում է քարթրիջի լիցքավորումից նրանով, որ վերականգնման դեպքում փոխվում է ոչ միայն տոները, այլև քարթրիջի մաշված դետալները – թմբուկ (OPC, Dram, Photoreceptor), ռաքել (Wiper Blade, Cleaning Blade,մաքրող շեղբ) և, անհրաժեշտության դեպքում, այլ բաղկացուցիչներ - PCR (լիցքավորող գլանակ) և այլն:


6. Ինչի՞ կարող է հանգեցնել քարթրիջի լիցքավորումը
Շատ հաճախորդներ, նոր քարթրիջների գնման և վերամշակվածների լիցքավորման մեջ ընտրելով, հարցնում են` արդյո՞ք քարթրիջի լիցքավորումը վնասակար է տպիչի համար: Բանը նրանում է, որ կազմտեխնիկայի մի շարք վաճառողներ կտրականապես խորհուրդ չեն տալիս լիցքավորել քարթրիջը, բացատրելով, որ դա վնաս է սարքին: Սակայն մեր փորձից ելնելով կարող ենք ասել` որակյալ լիցքավորումը չի կարող ազդել սարքի ռեսուրսի վրա: Իսկ հաճախորդի տնտեսումը դրա հիման վրա էական է: Մեր գործունեության ողջ ընթացքում ոչ մի լիցքավորված սարք շահագործումից դուրս չի եկել անորակ լիցքավորման հետևանքով: Քարթրիջները կարելի է լիցքավորել ոչ մեկ անգամ, 2-3 լիցքավորումը մեկ փոխելով թմբուկը: Մեր կողմից կատարված մեկ քարթրիջի լիցքավորումների բարձրագույն թիվը գերազանցել է 80 լիցքավորումը (HP LJ 1010) և նույնիսկ նման քանակի լիցքավորումներից հետո քարթրիջը որակյալ տպում է և տոները չի թափում սարքի մեջ: Առաջին հայացքից օգուտը կազմում է 80 լիցքավորման արժեք ` 80*5000=400000դրամ, իսկ նոր քարթրիջի գինը կազմում է 80*30000=2400000դրամ: Տարբերությունը կազմում է 2000000 դրամ կամ մոտավորապես 34 նոր տպիչ: Այլ է խնդիրը, երբ քարթրիջը վատ է լիցքավորված, դրանից ուժեղ թափվում է տոները, թմբուկը և այլ գլանակները յուղված չեն, ապա դա կարող է հանգեցնել սարքի որոշ դետալների` շահագործումից դուրս գալուն: Սակայն նույնիսկ այդ դեպքում քարթրիջի լիցքավորումը հեշտությամբ կետգնի սարքի վերանորոգումը և մաշվածությունը:


7. ինչպես կողմնորոշվել ինչ անել` վերականգնե՞լ, թե լիցքավորել
Որպես կանոն լազերային քարթրիջները դիմանում են 2-3 լիցքավորման, դրանից հետո հարկավոր է վերականգնել: Կան մի քանի ախտանշաններ, որոնց օգնությամբ կարելի է կողմնորոշվել` ինչ անել` վերականգնե՞լ, թե լիցքավորել:
Սպիտակ հետքեր, տեղ-տեղ տեքստը գրեթե չի երևում – վկայում է այն մասին, որ տոները վերջանում է, կարելի է քարթրիջը հանել և թեթև թափահարել, որոշ ժամանակ կօգնի, բայց արդեն լիցքավորելու ժամանակն է:
ՈՒղղահայաց սև գծեր թղթի տարբեր մասերում, բայց առավել հաճախ կողքերով – թմբուկի մաշվածության ախտանիշ է - հարկավոր է վերականգնել:
Հորիզոնական մուգ գծեր - թմբուկի լուսավորման ախտանշան է, հնարավոր է քարթրիջը պահել եք առանց սև փաթեթի- հարկավոր է վերականգնել:
Ողջ էջով մեկ մոխրագույն ֆոն, տոների ‘հետքեր” – հավանական է, որ ռակելը (մաքրող շեղբ) վնասված է – հարկավոր է վերականգնել:
ՈՒղղահայաց նեղ գծեր ողջ էջի երկայնքով – վնասված է մագնիսական գլանակը (Мag Roller, Developer Roller) – հարկավոր է վերականգնել:
Տպման թերություն, որը կրկնվում է էջի երկայնքով մեկ 3-4 տեղ, դրա հետ մեկտեղ մնացած տպվածքը նորմալ է - թմբուկի մեխանիկական վնասվածք (ջարդվածք), դա լինում է քարթրիջի մեխանիկական վնասվածքի դեպքում, (գցել եք, կամ սխալ եք տեղադրել տպիչի մեջ) – հարկավոր է վերականգնել:
Քարթրիջը տպելիս ձայն է հանում – հավանական է` մաշվել է ռակելը (մաքրող շեղբ), հարկավոր է վերականգնել:


8. Ինչպիսի՞ թանաքներ ընտրել
ԹԱՓՀ կամ լիցքավորվող քարթրիջների տեղադրման միջև ընտրության հարցի լուծումից հետո ծագում է այս հարցը: Թանաքի ընտրության հարցը միանշանակ չէ, ավելի լավ է այս հարցին կոմպլեքս մոտեցում ցուցաբերել և պրովոկացիաներին չտրվել:
Թանաքի ընտրության ժամանակ հիմնական չափորոշիչներն են`
Տպման որակը – իր մեջ ներառում է` թանաքի գունահաղորդումը (առանց պրոֆիլացման), թանաքի հոսունությունը թղթի վրա, կնիքների կայունությունը արտաքին միջավայրի նկատմամբ (երկարաժամկետ կտրվածքում): Այս հարցերն անհատական են տպիչների տարբեր մոդելների և տարբեր տեսակի թղթերի համար (ֆոտոթուղթ, որի վրա նախատեսում եք տպել):
Մատչելիությունը և որակը – թանաքները պետք է հեշտ հասանելի լինեն ձեռքբերման համար: Եթե մի վաճառողի մոտ տվյալ թանաքի գծով մատակարարման ընդհատումներ են առաջանում, ապա կարելի է գնել դրանք մեկ այլ տեղ: նի հարցը յուրաքանչյուրն իր համար է որոշում, սակայն այն պետք է լինի խելամտության սահմաններում:
Եթե դուք արդեն օգտագործում եք որևէ արտադրողի թանաքները, ապա ավելի լավ է դրանք էլ օգտագործել, քանի որ այլ թանաքի անցումը կապված է որոշակի դժվարությունների և ծախսերի հետ:


9. Ինչի՞ հետ է կապված լազերային տպիչների թմբուկի փչացման արագությունը
1. Թղթի որակը – որքան թուղթը լավն է, այնքաքն երկար կծառայի թմբուկը,
2. Թղթի խտությունը – որքան խիտ է թուղթը այնքան մեծ է ազդեցությունը թմբուկի վրա և այնքան քիչ կծառայի թմբուկը,
3. տպման հաճախականությունը – որքան հաճախ է օգտագործվում քարթրիջը, այնքան արագ է մաշվում թմբուկը,
4. Ստիքերների (ինքնակպչող թղթերի) օգտագործումը – ստիքերը թմբուկի վրա լրացուցիչ ծանրաբեռնվածություն է ստեղծում, հարկավոր է հատուկ ստիքերներ օգտագործել լազերային տպիչների համար,
5. ֆիրմային բլանկների օգտագործումը – շատ ֆիրմաներ օգտագործում են ֆիրմային բլանկներ (տպված գունավոր տպիչներվ կամ տպագրությունում) - այնպես, ինչպես ստիքերները, լրացուցիչ ծանրաբեռնվածություն է ստեղծում թմբուկի վրա, առավել ևս, որ լրացուցիչ ծանրաբեռնվածությունը միշտ ընկնում է թմբուկի նույն հատվածների վրա,
6. միակողմանի տպված թղթերի օգտագործում – թուղթն անցնում է թմբուկի վրայով օգտագործված կողմով , ինչից թմբուկն ավելի շուտ է մաշվում,
7. օգտագործման մշակույթը – հարկավոր է հետևել տպիչին, ժամանակին մաքրել և պրոֆիլակտիկա անցկացնել:


Քարթրիջի կառուցվածքը

Քարթրիջները բաժանվում են մի քանի տեսակի: Ամենատարածվածներն են երկու մասից բաղկացած քարթրիջները – թափոնի բունկեր և տոների բունկեր: Թափոնի բունկերը նախատեսված է թմբուկը` պատկերը թղթին հաղորդելուց հետո մնացորդներից մաքրելու համար, ինչպես նաև թմբուկի հետագա լիցքավորման համար: Քարթրիջի այս մասը կազմված է թմբուկից, ռակելից (մաքրող շեղբ), թմբուկի լիցքավորման հոլովակից:

ա. թմբուկը – ծառայում է պատկերի ձևավորման և վերջինս թղթին փոխանցելու համար: Թմբուկի ռեսուրսը կախված է մի շարք գործոններից, ինչպիսիք են թղթի, տոների որակը և քարթրիջի այլ դետալների վիճակից: Թմբուկի ռեսուրսը հերիքում է քարթրիջի 2-3 անգամ լիցքավորման համար:

բ. Թմբուկի լիցքի հոլովակը (PCR) ծառայում է թմբուկի վրա պոտենցյալի ստեղծման համար: Թմբուկի լիցքի հոլովակի ռեսուրսը մեծապես կախված է քարթրիջի արտադրողից:

գ. Ռակել (մաքրող շեղբ), նախատեսված է թմբուկի վրայից պատկերի մնացորդների հեռացման համար, որն արդյունքում պատկերը թղթին փոխանցելու ժամանակ չի փոխանցվել: Ռակելն իրենից ներկայացնում է մետաղյա սկավառակ` սոսնձված սիլիկոնային շեղբի հետ: Թմբուկի վրա շփման նվազեցման համար ռակելը ծածկվում է տալկով: Ռակելը մեծ ռեսուրս ունի և, որպես կանոն, վնասվում է քարթրիջ ներթափանցած օտար մարմիններից:

Քարթրիջի երկրորդ մասը, այսպես կոչված տոների բունկերը, կազմված է մագնիսային գլանակից, չափավորող շեղբից և ռեդուկտորից: Հիմնականում մաշվում են չափավորող շեղբերը և մագնիսային գլանակի սռնակալները: Առանց սահմանափակման քարթրիջներում այս դետալները շահագործումից դուրս են գալիս նույնիսկ չսպառելով տոների արտադրական լիցքավորումը:




Օգտակար խորհուրդներ տպիչների և քարթրիջների խնամքի և պահպանության վերաբերյալ

Տպիչի խնամքը
o Հետևեք տպիչի անջատման հաստիքային կարգին
o եթե մի քանի օրվա ընթացքում տպելու ոչինչ չունեք, ամեն դեպքում փորձեք գոնե մեկ-երկու էջ տպել, այդպես կարելի է խուսափել ծայրափողերի չորացումից (թանաքային տպիչների դեպքում)
o եթե տպման ժամանակ կորում է կապի սնուցումը, ապա սպասեք դրա վերականգնմանը և միանգամից անջատեք տպիչը, որն օգտագործում է ցանցային կրկնորդը
o քարթրիջը հանեք միայն փոխարինման ժամանակ
o մի լիցքավորեք քարթրիջն ինքներդ
o և մի լվացեք սպիրտ պարունակող հեղուկներով (միայն թորվածով!) հենց տպիչի մեխանիզմը` ներառյալ դրա գլխիկը, քանի որ դա բերում է ծայրափողերի ծածկույթի քայքայմանը:

Քարթրիջների պահպանման վերաբերյալ խորհրդատվություն

o Քանի դեռ չեք որոշել օգտագործել նոր քարթրիջը, պահեք այն փաթեթավորման տուփի մեջ
o ձեռք մի տվեք քարթրիջին առանց ծայրահեղ անհրաժեշտության. Հանեք միայն այն ժամանակ, երբ կորոշեք հանել քարթրիջը լիցքավորման կամ մաքրման համար: Եթե քարթրիջն արդեն հանել եք, պահեք այն հերմետիկ փաթեթավորված:
o քարթրիջները մաքուր չեն տպի, եթե դրանք երկար ժամանակ պահեք առանց փաթեթավորման:
Մի պահեք քարթրիջը
o անմիջապես արևի լույսի ազդեցության տակ
o 40՜С ից բարձր ջերմաստիճանում
o այնպիսի վայրերում, որտեղ ջերմաստիճանը և խոնավությունը կտրուկ տատանվում են
o ավտոմեքենայում երկար ժամանակամիջոցում
o այնպիսի վայրում, որտեղ մթնոլորտում աղերի քանակը բարձր է
o փոշոտ վայրերում

Տպիչների պատմությունը


Տպիչների պատմությունը սկսվում է հենց այն պահից, երբ քարանձավային մարդը իր բնակատեղիի պատին ածխի կտորով մամոնտ նկարեց: Բայց մենք այդքան հեռու չենք գնա:
Առաջին ՙտպիչը՚ (եթե դա կարելի է տպիչ անվանել) ստեղծվել է առաջին ՙհամակարգչի՚ հետ մեկտեղ (եթե դա կարելի է համակարգիչ անվանել): Երկուսը մեկում :): Այս սարքերի նախատիպերը հայտնվել են հեռավոր 1834թ. (իսկ մշակումները սկսվեցին դեռևս 1822թ.): Այն հայտնագործել է ոչ անհայտ Չարլզ Բեբիջը: Նրա հայտնագործած սարքը ստացավ Difference Engine (բազմաբնույթ մեքենա) անվանումը: Այն նախատեսվում էր օգտագործել նավիգացիաներում, նախագծեր կազմելիս, բանկային գործում: Այն իսկական մեխանիկական համակարգիչ էր, որը կարողանում էր ավտոմատ տպել: Ցավոք սրտի այն ժամանակվա աշխատող մոդելը այդպես էլ չկառուցվեց, այն լույս տեսավ 150 տարի անց: Լոնդոնի իտության Ազգային թանգարանի տնօրեն Դորոն Սուոդի գլխավորությամբ հեղինակի նախագծերի հիման վրա հավաքեցին սարքը, որը բաղկացած էր ավելի քան 4000 դետալներից և կշռում էր 2.5 տոննա: Difference Engine-ը կարողանում էր լուծել պարզագույն հավասարումներ և արդյունքները տպել թղթի վրա:

big1                                Չարլզ Բեբբիջ                              Hewlett Packard-ի հնագույն տպիչներից մեկը,
                                                                                ներկայացված Վաշինգթոնի թանգարանում


Թերթիկավոր տպիչներ
Առաջին էլեկտրոնային համակարգչի առաջացման հետ մեկտեղ անցած դարի 50-ական թվականներին անհրաժեշտություն առաջացավ ստացված հաշվարկումների արդյունքները պահպանել: Դրա համար հատուկ ուսուցում ստացած մարդիկ նստում էին տպող մեքենաների ետևում և տպում ստացվելիք տեղեկատվությունը: Իհարկե որոշ ժամանակ անց մարդկանց մտքով անցավ միացնել տպիչ մեքենաները համակարգչին: ԵՎ 1953թ. Remington-Rand ընկերությունը ստեղծեց առաջին տպիչ սարքը UNIVAC (Universal Automatic Computer) համակարգչի համար, որը ստացավ UNIPRINTER անվանումը: Այն տպում էր 600 տող րոպեում (ամեն տողում 130 նշանով):











Առաջին մեխանիկական տպիչը

Այս հրեշը խիստ հիշեցնում էր տպիչ մեքենա և ուներ դրա նման աշխատանքի սկզբունք: Որևէ ստեղն սեղմելով` տառերով մետաղական ՙհատիկը՚ ներկող լենթով խփում էր թղթին` իր հետքը դրա վրա թողնելով: Առաջին տպիչների աշխատանքի սկզբունքը ճիշտ նույնն էր, միայն թե ստեղներին սեղմել պետք չէր: Տպիչի հիմնական տարրը երիցուկի տեսքով սկավառակն էր, որի թերթիկների ծայրին սիմվոլներ էին տեղադրված: Սկավառակը պտտվում էր իր առանցքի շուրջ թղթին զուգահեռ: Հարվածող մեխանիզմը հարվածում էր թերթիկներին, որն իր հերթրին հարվածում էր թղթին և դրա վրա ներկող լենթի միջոցով հետք թողնում: Փոխելով սիմվոլներով սկավառակը` կարելի էր այլ շրիֆտ ստանալ և այլ` ոչ սև գույնի լենթ դնելով` ստանալ գունավոր տպագրություն: Նման կոնստրուկցիայի շնորհիվ այդօրինակ սարքավորումները ստացան ՙթերթիկավոր տպիչ՚ անվանումը:
Reynold B. Johnso-ն այդ ժամանակ զբաղված էր IBM-ի տպիչի համար մատրիցայի ստեղծմամբ: ԵՎ 1954թ., հետագայում նաև 1955թ. երկնագույն հսկան հերթով ներկայացնում է երկու մոդելի տպիչներ, որոնք տպում են րոպեում 1000 տող (տողում 100 նշան): Սակայն երկու մոդելներն էլ անհուսալի ճանաչվեցին և տարածում չգտան:
Քիչ անց, 1959-ի հոկտեմբերին աշխարհին ներկայացվեց IBM 1403 տպիչը: Այս սարքը տպում էր մրցակիցներից չորս անգամ արագ և ուներ տպման անգերազանցելի որակ: Տպման մեխանիզմը մի փոքր տարբերվում էր տպիչների մնացած մոդելներից, չնայած այստեղ հենց նույն ձևով կար նշանների հավաքածու, որոնք անց էին կացվում թղթի վրա լենթի միջոցով: IBM 1403-ում բոլոր նշանները դասավորված էին մեկ շարքում և յուրաքանչյուրն ուներ հարվածի իր մեխանիզմը: Տպիչը կարող էր տպել միչև 1400 տող րոպեում յուրաքանչյուր տողում 132 նշան (դա մոտավորապես րոպեում 23 էջ է. յուրաքանչյուր էջը 3 վայրկյան): Ինչպես պատմում են այդ տեխնիկայի հետ աշխատող ինժեներները, երբ որ սկսում էին տպել հերթական հաշվարկման արդյունքերը, ամբողջ հատակը մի քանի րոպե ծածկվում էր թղթի հաստ շերտով, որը բառացիորեն դուրս էր թռչում տպիչից մեծ արագությամբ: Սարքի ծիծաղելի յուրահատկություններից էր այն, որ տարբեր նշանների տպման ժամանակ տպիչը տարբեր տոնայնության ձայներ էր հանում: Ինժեներները ուրախանում էին նրանով, որ ընտրելով և տպելով որոշակի տառերի համակցություններ, ստիպում էին տպիչին երաժշտություն նվագել, եթե կարելի է դա այդպես անվանել:
Ինժեներներին հաջողվեց հասնել իրենց սարքերի համեմատական հուսալիության և արագության բայց դրանց մոտ մնացին գլխավոր թերությունները: Թերթիկավոր տպիչները չէին կարողանում գրաֆիկական պատկերներ տպել, աշխատանքի ժամանակ ուժեղ ձայն էին հանում և հուսալիությունը նախկինի պես բարելավում էր պահանջում: Ի դեպ, Խորհրդային միությունում ՙտպիչ՚ բառի փոխարեն օգտագործվում էր ԱԹՏՍ (այբբենա-թվային տպիչ սարք) անվանումը: Ներկայումս նման տպիչներ ոչ մի տեղ չեն օգտագործվում:


Մատրիցային տպիչներ

Մատրիցային տպիչները (Dot Matrix Printer) հանդիսանում են թերթիկավոր սարքավորումների տրամաբանական շարունակությունը: Դրանցում օգտագործվում է տպման նման սկզբունք: Սակայն նշանները կազմավորվում են կետերի համակցությունից: ՙՑանկացած նշան և ցանկացած պատկեր կարելի է ձևավորել կետերից՚- սա մատրիցային և առհասարակ մյուս բոլոր տպիչների գլխավոր սկզբունքն է: Մատրիցային տպիչներն ունեն տպող գլխիկ, որում տեղադրված է ասեղների հավաքածուն: Ասեղիկները, ինչպես և տառերը թերթիկավոր տպիչներում, հարվածում են թղթին ներկող լենթի միջով, այսպիսով կետերից ձևավորվում է պատկերը: Առաջին մատրիցային տպիչի հեղինակը համարվում է Seiko Epson ընկերությունը, որը 1964թ. նախագծել է տպիչի մեխանիզմը, որը տպում էր ճիշտ ժամանակին: Սակայն 70-ական թվականներին նմանատիպ տպիչների խոշոր արտադրող դարձավ Centronics Data Computer ընկերությունը: 1970թ. նրանք նախագծեցին մատրիցային տպիչ, որը ստացավ Model 101 անվանումը: Տպման համար նրանում օգտագործվում էր 7 ասեղիկների համախումբ (յուրաքանչյուր նշան ուներ 5X7 կետի չափս, այդ պատճառով էլ տպիչները սկսեցին կոչվել մատրիցային), և այն կարողանում էր տպել 165 նշան րոպեում: Այդպիսի ՙխաղալիքի՚ արժեքը կազմում էր 2995 ԱՄՆ դոլար: Այնուհետև 1977թ. ստեղծվեց Micro-1 մոդելը (240 նշան րոպեում և 595 դոլար արժողությամբ): Իսկ մեկ տարի անց Epson-ը ներկայացրեց TX-80 տպիչը, որը մեծ հաջողություն ունեցավ (հիմնականում IBM ընկերության շնորհիվ, որը OEM-լիցենզիայով հարթեց այս մոդելի թողարկումը և վաճառքը):











Առաջին մատրիցային տպիչներից մեկը



Այդ ընթացքում տեխնոլոգիաները տեղում կանգնած չէին. սկսեցին հայտնվել 9,12,14,18 և 24 ասեղավոր տպիչներ: Բոլոր այս նորամուծություններն արվում էին տպման որակի բարձրացման համար: Այդպես ի հայտ եկան LQ (Letter Quality - բարձր որակ) և NLQ (Near Letter Quality – միջին որակ) հասկացությունները: Իսկ 70-ականների վերջում հայտնվեցին առաջին գունավոր մատրիցային տպիչները: Դրանցում օգտագործվում էին 4 գույնանի տպող լենթեր` տարբեր գույների վերարտադրման համար: Սակայն այդպիսի տպիչները տարածում չգտան: Առաջին իսկապես տնային մատրիցային տպիչը դարձավ C.Itoh Electronics ընկերության ImageWriter տպիչը, որը նախագծված էր դեռևս 1976թ., սակայն վաճառքի հանվեց Apple համակարգիչների հետ մեկտեղ 1983թ. 675$ գնով: Միևնույն ժամանակ տպիչների արդեն գոյություն ունեցող արտադրողներին միացան այնպիսի ՙհրեշներ՚, ինչպիսիք են NEC-ը, Oki data-ն և TEC—ը: Տեխնոլոգիան մեր օրեր է հասել գրեթե առանց փոփոխությունների: Մենք ամեն օր հանդիպում ենք դրանց, երբ խանութում մեզ հսկիչ դրամարկղի կտրոն են տպում: Բանը նրանում է, որ մատրիցային տպիչներով տպագրությունը շատ էժան է, այդ պատճառով էլ այն չի շտապում լքել մեզ:


Թերմոտպագրություն

Ցավոք սրտի նմանատիպ տպիչներն այդպես էլ չկարողացան գրավել շուկան, այդուամենայնիվ դրանք հանդիպում են բավական հաճախ: Դրանք օգտագործում են, օրինակ ֆաքսերի տպման ժամանակ կամ բանկոմատներում հաշիվներ տպելիս: Աշխատանքի սկզբունքով դրանք հիշեցնում են մատրիցային տպիչները, սակայն ասեղիկներն այստեղ փոխարինված են տաքացնող տարրերով; Բացի դրանից այդպիսի տպիչներին անհրաժեշտ է թերմոզգայուն թուղթ: Հիմնականում հենց վերջին փաստն էլ սահմանափակում է այսպիսի տեխնիկայի կիրառության ոլորտը:
Թերմոտպիչները մատրիցայինների համեմատ ունեն զարգացման ավելի կարճ պատմություն: Դրանց պատմությունը սկսվել է 1988թ. առաջին` համեմատաբար հաջող IBM QuietWriter մոդելից: Նախկին խորհրդային միությունում առաջին և երևի միակ լայն կիրառում գտած մոդելը ԻԵՏՍ-ն էր (ինֆորմացիայի ելքի տպման սարք): Դրա տպման որակը հասնում էր 160 կետ/դյուիմի:


Թանաքային տպիչներ


Մատրիցային տպիչներն իհարկե լավ են, սակայն տպումը դրանցով շատ աղմկոտ է, իսկ արդյունքը` ոչ այնքան որակյալ: Բոլորն ուզում էին ունենալ տպիչ, որը կտպեր անձայն և որակով, և դրա հետ մեկտեղ կլիներ բավական էժան:
Թանաքային տպագրության սկզբունքը նույնքան հին է, որքան և Չարլզ Բէբիջջի տիպիչ: Դեռևս XIX դարում ֆիզիկայի գծով Նոբելյան մրցանակի դափնեկիր լորդ Ռեյլին ուսումնասիրեց հեղուկի շիթի տրոհումը և կաթիլների ձևավորումը: Սակայն այդ տեխնոլոգիան իրացվեց միայն 1948թ. Siemens ընկերության լաբորատորիաներում: ոյություն ունի թանաքային տպագրությունում օգտոգործվող տպման ընդամենը երեք մեթոդ. պիէզոէլեկտրական մեթոդ (օգտագործվում է Epson և Brother ընկերությունների կողմից), գազային պղպջակների մեթոդ (Canon) և drop-on-demand մեթոդը (Hewlett-Packard): Բոլոր սարքերում օգտագործվում է ներկով ռեզերվուար, որի հատակում փոքր անցք կա (ծայրափող):
Տպագրության պիէզոէլեկտրական մեթոդի ժամանակ ծայրափողում տեղադրված է դիաֆրագմային միացված տափակ պիէզոբյուրեղ: Երբ պիէզոբյուրեղին հոսանք է հաղորդվում, այն ճկվում և ճնշում է դիաֆրագմային: Այսպիսով ձևավորվում է կաթիլ, որը դուրս է մղվում դեպի թուղթ. այսպես ասած, փոքրիկ պոմպ: ազային պղպջակների մեթոդում (BubbleJet տեխնոլոգիայի անվանումը) պիէզոբյուրեը պետք չէ, դրա փոխարեն օգտագործվում է տաքացնող տարր, որը տաքացնում է ծայրափողի թանաքը մինչև 300-500 աստիճան, որի արդյունքում ձևավորվում են գազի պղպջակներ, որոնք դուրս են հանում թանաքը թղթի վրա: Drop-on-demand մեթոդը նման է գազային պղպջակների մեթոդին - այստեղ ևս օգտագործվում է տաքացնող տարր: Միայն թե տաքացման աստիճանը մի փոքր ցածր է և թղթին անցնում է ոչ թե կաթիլը, այլ գոլորշու պղպջակը: Բայց վերադառնանք պատմությանը: Առաջինը ստեղծվել է տպագրության պիէզոէլեկտրական մեթոդը: Սակայն տեսությունից այն կողմ գործը առաջ չէր գնում: Միայն 70-ականներին հայտնվեցին առաջին իսկապես աշխատող թանաքային տպագրության համակարգերը: Իսկ 1976-ին IBM–ը ներկայացրեց առաջին թանաքային տպիչը - Model 6640, որը սահմանեց տպման նոր չափանիշներ: Մեկ տարի անց Siemens-ը ներկայացրեց թանաքային տպիչներ անհատական համակարգիչների համար: Իսկ 1978թ. Canon–ը հայտարարեց BubbleJet տեխնոլոգիայի նախագծման մասին: Քիչ անց Hewlett-Packard–ը հայտարարում է տպման իր drop-on-demand մեթոդի մասին: Սակայն HP-ի տեխնոլոգիան իրացվեց տպիչում միայն 1984թ., երբ ընկերությունը ներկայացրեց Think Jet շարքի սարքավորումները, որոնք շատ շուտ գրավեցին շուկան: Այնուհետև 90-ական թվականներին Hewlett-Packard–ը ստացավ գունավոր թանաքային տպագրության պատենտը: Նրանք մտածեցին իրար խառնել երեք գույն (երկնագույն (cyan), մանուշակագույն (magenta) և դեղին (yellow) գույները), այդպիսով ստանալով ցանկացած երանգ: Սակայն անհատական համակարգիչների կողքին առաջինը հայտնվեցին Epson–ից Stylus Color շարքի թանաքային տպիչները:


Լազերային տպիչներ

Շատերն այսօր նախապատվություն են տալիս հենց այս տեսակին: ԵՎ դա զարմանալի չէ. այսպիսի տպիչները ոչ միայն կոմպակտ են և կայուն աշխատանքում, այլև դրա հետ մեկտեղ չեն պահանջում քարթրիջի հաճախակի փոխարինում: Մեկ լիցքավորումը հերիքում է 1.5-20 հազար տպվող էջ` կախված տպիչի մոդելից և գրաֆիկի խտությունից: Եթե դրան գումարենք ծախսող նյութերի` ինքնուրույն և համեմատաբար հեշտ լիցքավորման հնարավորությունը, ապա նման ընտրության պատճառն ակնհայտ է դառնում: Այսպիսի տպիչների միակ թերությունը դրանց գունավոր տարատեսակի հսկայական արժեքն է: Եթե հայացք նետենք դեպի անցյալ, ապա լազերային տպագրության տեխնոլոգիան առաջացել է ավելի շուտ, քան մատրիցայինինը: 1938թ. Chester Carlson–ը հայտնագործեց տպման մեթոդը, որը ստացավ էլեկտրոգրաֆիա անվանումը: Այդ սկզբունքն օգտագործվում է բոլոր ժամանակակից լազերային տպիչներում և այն կայանում է հետևյալում. ալյումինե փողի (թմբուկ) վրա, որը ծածկված է լուսազգայուն շերտով, անցկացվում է հակադարձ ստատիկական լիցք: Դրանից հետո լազերի ճառագայթը անցնում է թմբուկի վրայով, և այն տեղերում, որտեղ պետք է որևէ բան տպել, հանում է լիցքի մի մասը: Որից հետո թմբուկի վրա տոներ է լցվում (դրանք չոր թանաքներ են, որոնք բաղկացած են կուպրի, պոլիմերների մետաղական նրբատաշեղների, ածխային փոշու և այլ քիմիկատների խառնուրդից), որն ունի նաև հակադարձ լիցք և այդ պատճառով կպնում է թմբուկին այն մասերում, որտեղով անցել է լազերը և հանում լիցքը: Դրանից հետո ամեն ինչ պարզ է. թմբուկը ծածկվում է թղթով (որն ունի դրական լիցք) և թողնում դրա վրա ողջ տոները, որից հետո թուղթն անցնում է վառարանով, որտեղ բարձր ջերմաստիճանի ազդեցության տակ տոներն ամուր կպնում է թղթին: ունավոր պատկերի տպագրության համար բոլոր գույները անցնում են թմբուկին հերթականությամբ կամ էլ տպագրությունն անցնում է 4 փուլով (սև, երկնագույն, մանուշակագույն և դեղին գույների տպագրության համար): Տպագրության նման մեթոդ օգտագործվում է պատճենահանող մեքենաներում և որոշ ֆաքսերում: Նման համակարգ օգտագործվում է նաև ցանցային տպիչներում, սակայն դրանցում լազերի փոխարեն օգտագործվում է լուսադիոդներով անշարժ տող – LED տպագրության մեթոդ (Light Emitting Diode). Իսկ ինքը` լազերային տպիչն առաջացել է այսպես. ոմն Հարի Ստարկվեատրը (Gary Starkweather), Xerox ընկերության աշխատակից, որոշեց պատճենահանող մեքենայի տեխնոլոգիան օգտագործել տպիչի ստեղծման համար: Այսպես 1969թ սկզբում սկսվեց առաջին լազերային տպիչի նախագծումը: Իսկ լույս տեսավ այն 1971-ի նոյեմբերին, կոչվում էր DEVICE EARS, սակայն լաբորատորիայից այն կողմ դուրս չեկավ: Եթե հավատանք փաստաթղթերին, ապա առաջին պաշտոնական լազերային տպիչը կոչվում էր Xerox 9700 Electronic Printing System և թողարկվել է 1977թ.: Միևնույն ժամանակ IBM–ը հավատացնում է, որ 1976թ. իրենց IBM 3800 լազերային տպիչն արդեն ամբողջ ուժով տպում էր հյուսիսամերիկյան F.W. Woolworth տվյաների կենտրոնում: Ավելի ուշ, 1981-ի մայիսին Xerox–ը ներկայացրեց Star 8010 համակարգիչը, որի բաղադրության մեջ էին մտնում ամենավերջին մշակումները, այնպիսիք, ինչիսիք են WYSIWYG տեքստային խմբագրիչը, գրաֆիկական խմբագրիչը, տեքստի և գրաֆիկի համախմբման խմբագրիչը, և իհարկե, լազերային տպիչը: Այդ ողջ հաճույքն արժեր 17000 ԱՄՆ դոլար: Դա տնային տպագրատան նման մի բան էր: Երեք տարի անց Hewlett-Packard-ը թողրկեց LaserJet տպիչը, 300 dpi թույլատրելիությամբ և 3500 դոլար արժողությամբ: Նույն տարում Apple-ը մատակարարում է իր LaserWriter տպիչի փորձված օրինակներ այնպիսի կազմակերպությունների, ինչպիսիք են Lotus Development-ը, Microsoft-ը և Aldus-ը: 1985-1986թթ. հայտնվում են համապատասխանաբար Apple LaserWriter և LaserWriter Plus-ը: Իսկ 1990թ. Hewlett-Packard LaserJet IIP տպիչներն առաջին անգամ սկսեցին արժենալ 1000 դոլարից էժան: ԵՎ LaserJet III շարքում սկսեց օգտագործվել բարելավված թույլատրելիության տեխնոլոգիան (RET - Resolution Enhancement Technology). Եվս երկու տարի անց նույն HP-ն սկսում է իսկապես հայրենական LaserJet 4 լազերային տպիչների վաճառքը, որը հարաբերականորեն ցածր գնի համեմատ ուներ 600 dpi թույլատրելիթյուն: Բայց նույն տարոմ Lexmark ընկերությունը տեղաշարժեց HP–ին լազերային տպիչների շուկայում` թողարկելով Optra շարքի 1200 dpi թույլատրելիուրյամբ սարքավորում:
ունավոր լազերային տպիչները հայտնվեցին միայն 1993թ.: QMS ընկերությունը ներկայացրեց ColorScript Laser 1000 տպիչն ընդամենը 12499 դոլարով: Երկու տարի անց Apple–ը թողարկում է իր գունավոր լազերային Color Laser Printer 12/600PS տպիչը ընդամենը 7000 դոլարով: Լազերային տպիչներն այժմ էականորեն էժանացել են: Դրանք ձեռք են բերում ավելի մեծ ճանաչում, սակայն դրանք դեռ այնքան էժան չեն, որ մրցակցեն թանաքային տպիչների հետ:


Տպիչներն այսօր

Տպագրության տեխնոլոգիաները, հայտնագործված անցած դարում, էապես չեն փոփոխվել: Այո, տեխնիկական գործընթացը բարելավվում է, մեծանում է 1 դյուիմի կետերի քանակը, բարելավվում է տպագրության որակը և արագությունը: Սակայն տպիչների աշխարհում ոչ մի էական փոփոխություն տեղի չի ունենում:


Եռաչափ տպիչ

Տպագրությունում վերջին հեղաշրջումը տեղի ունեցավ 80-ականներին, երբ հայտնագործվեց եռաչափ տպիչը: Առաջին եռաչափ տպիչները նման էին հաստոցների, որոնք տաշում էին անհրաժեշտ չափի կտորներ փայտից կամ պլաստմասսայից, բայց հետո հայտնվեցին իսկական եռաչափ տպիչները: Այդպիսի տպիչները շերտ-շերտ (1 շերտը կարող է հաստությամբ գերազանցել 16 միկրոնը) ստեղծում են օբյեկտներ, և տարածում պոլիմերը անհրաժեշտ մասերին:
Կարծում եմ դեռ վաղ է վերջակետ դնել տպիչ սարքերի զարգացման վրա: Մատրիցային տպիչները հասել են իրենց տեխնոլոգիական սահմանին, սակայն չի կարելի նույնն ասել թանաքային և լազերային տպագրության մասին: Առկա մոդելները օրեցօր կատարելագործվում և նորացվում են` իրենց ավանդը ներդնելով տպիչների պատմության մեջ:


Համատեղելիության աղյուսակներ


Ցանկանում ենք որոշ օգտակար տեղեկություններ տալ մեր ընթերցողներին քարթրիջների և տպիչների համատեղելիության մասին, օգնել նրանց կողմնորոշվելու քարթրիջների համատեղելիության աղյուսակում և ինքնուրույն ընտրելու քարթրիջ իրենց տպիչների համար:
Այս բաժնում կարող եք ծանոթանալ տարբեր արտադրողների սարքավորումների ծախսող նյութերի և մոդելների համատեղելիության մասին տեղեկատվությանը:

 

•  Բողոքներ,     առաջարկություններ,     նկատողություններ

•  Օգտակար     տեղեկություններ


Ի՞նչն է էական դեր խաղում ծախսող նյութերի ընտրության հարցում

արտադրանքի որակը
արտադրանքի գինը
արտադրողի համբավը
վաճառողի խորհուրդը
ընկերների խորհուրդը
գովազդային տեղեկատվությունը
արտադրողի երաշխիքները


Website crated by Webmaker.am Studio